品川日本料理 (Closed)

朋友家住荃灣，最近見到佢,佢介紹我去一間位於荃灣西站上蓋商場內既一間叫品川既日式放題料理。一出地鐵站行一分鐘就到商場，搵到品川店面還未知內裏環境，一入到去，嘩！好大間，而且近窗邊座位都能夠遠望大海😇一坐下，店員介紹我地需要用手機自己落order, 飲料，小食，甜品及雪糕需要自取，可有梅酒及清酒無限添飲（其他店通常需要交錢）,雪糕就每人限取一杯先order刺身及壽司先，刺身我點左赤貝，馬刀貝，劍魚腩及油甘魚，完全無雪味，非常新鮮。壽司點左大路既吞拿魚，玻璃蝦，海膽軍艦，京蔥吞拿魚蓉軍艦，仲有佢地自創既壽司。清酒煮蜆，淡谈清酒味溶入湯內Highly recommend👍🏻👍🏻👍🏻樱花蝦蠔仔粥，極鮮甜美味，我倆共前後order左三次😇