Goobne Chicken (V Point)

Open Now

Now Closed

繼上個月食完旺角分店，今日再食銅鑼灣店👯‍♀️🌆 銅鑼灣店位於食街登龍街嘅V Point 25樓，樓底好高。原先被安排喺窗邊corner位，擁有兩邊窗景，不過就只有高椅。由於著裙關係，坐普通椅舒服啲，而且個景觀都夠晒開揚。👍🏻 上次旺角舖嘅手套係散開擺喺裝骨筒入邊，呢間嘅手套有個袋仔入住，感覺更加衛生！不過可能所有舖頭都轉左，始終距離上次食都有一段時間。🍯🧄🍗 今次去食見到有個新出嘅蜜糖蒜香烤雞，一於試吓，同果味蒜香烤雞唔一樣，佢係有蒜片嘅。雞肉嫩滑，雞皮烤得好香脆，非油炸齋烤都有呢個效果，真係犀利！蒜味唔會過分濃郁，蜜糖嘅甜味比較出，仲有微辣，好味！🥚另外試咗韓式雞蛋卷，雞蛋入邊包住青瓜、紅蘿蔔、午餐肉、蟹柳、紫菜同芝士。材料豐富，份量都幾多，雞蛋整得幾滑，唔錯唔錯。