Outback Steakhouse (尖沙咀中心) (Closed)

今日兩個大人一個小朋友經開尖沙咀，就搵間舒服嘅餐廳食吓嘢，抬頭一望見到呢間海景outback, 又唔使等位就入咗去。坐左窗口位，望到少少維港景色，舒服寫意！唔係好肚餓所以只係嗌左一個餐：澳坊芝士漢堡（$98）。小朋友有薯條就開心晒，脆卜卜熱辣辣新鮮整，而且份量十足，漢堡肉質都幾嫩滑，充滿肉汁。黑糖包：outback經典之最！大人太中意食搞到忘記咗影相黑糖麵包味道偏甜，又帶點酸酵母味，可可粉的苦味與黑糖味配搭起來更可口，口感軟軟的又帶有彈性，外皮香脆，真係好味道～