大灰熊廚房 (Under Renovation)

今日去咗將軍澳新開嘅一間飯店食飯，見到佢哋都有好多唔同款式嘅小菜選擇，佢哋仲會有私房菜提供，今次我哋就叫咗佢哋幾款嘅小菜返去外賣屋企。每次食小菜我哋都一定會叫嘅椒鹽豆腐，佢哋嘅椒鹽豆腐份量適中，亦都非常香椒鹽嘅味道，豆腐咬落口亦都係滑口的👍🏻另外小炒王亦都係我好鍾意叫嘅其中一個菜，每間餐廳嘅小炒王都有佢自己嘅特色，今次佢哋竟然有臘腸，啱晒而家冬天嘅時間嚟食臘腸！除此之外我哋都叫咗個沙律醬排骨，沙律醬酸酸甜甜都非常開胃，份量適中，都非常適合用來送飯食。我哋之後仲叫咗一個湯羹，佢嘅湯羹希傑程度啱啱好，可以當湯你飲而且亦都好飽肚！最後仲叫咗一個燒粟米🌽粟米燒到啱啱好亦都好香甜。