The Meat Co.

Steak & Fries（逸東酒店內）🤰🏽產檢日懷孕後期要補充足夠鐵質。醫生叮囑除咗要按時食鐵丸，仲要食多啲牛肉。因為身體血容量大左，需要鐵質額外製造多啲血細胞。順利完成檢查後，立即同鄧先生鋸塊牛排🥩進補一下。✨西冷 安格斯 250g（配煙燻燒烤醬）小店好特別，只係專賣西冷牛扒，所以整得好精。除咗塊扒肉質好，仲想稱讚廚師嘅烹飪技術。由於孕婦要食熟嘅肉，我哋order左7成熟。廚師拿捏得啱啱好，塊扒剛好熟透，中間淡淡粉紅色，肉質細嫩。成塊排都係肉汁，肉味亦都好香濃。小店共有12款醬汁可選。雖然我哋叫咗BBQ Sauce ，但幾乎完全冇蘸醬🤣，靚牛排單食已經非常美味。完全可以媲美某啲酒店貴價幾百蚊塊既牛扒呀，大推大推！Ps. 牛排g數可以加錢選擇，如果g數多d，相對塊扒就會厚啲（見圖4）。建議都係250g叫起，200g太薄肉汁較小，亦唔夠喉。✨芝士粉薯條🍟薯條係即炸即撈芝士辣粉，係高級版嘅shake shake 薯條，脆卜卜又熱辣辣。不過芝士粉略鹹，落order時可以同職員講唔要落咁多味粉。✨醃菜沙律細細杯，有醃青瓜、紅椰菜、紅蘿蔔絲。口感爽脆，應該是用來解油膩。我們只是淺嚐就算。✨環境