牛摩+ (上水廣場) (Closed)

上水廣場新開左一系列嘅食肆，牛摩係其中一間，當中裝修用上多色既現代風為主調。場內有多款自取食物、飲品同甜品，而添加牛就可以用QR code下單，由店員奉上。每個層次嘅牛同時段，都會有唔同收費，豐儉由人。我點左一個中價位嘅牛小排海鮮四點盛，牛嘅質素已經相當唔錯！菜類精選左極具營養價值嘅羽衣甘藍，配上壽喜燒湯底，絕對可以帶出菜嘅甜味！牛方面，除咗牛小排，當然要點多幾款，美國和牛畢竟有油脂較多，口感嫰滑，令我回味無窮！而鍾意牛味濃嘅就較推薦牛小排，墨魚滑都係必點item!丸類會推薦具泰國特色嘅冬陰功蝦球，裏面濃郁嘅醬汁，極具泰式風味，非常驚喜！主打牛之外，亦都非常欣賞呢隻蠔，大粒之餘完全唔腥，非常有咬口！甜品環節，實在有太多選擇，最終選擇左自己喺機器拉出嘅朱古力味嘅雪糕，上邊仲可以因應個人喜好加上脆脆，估唔到咁香濃好味！