咖哩葉

Open Now

Now Closed

因公事來到佐敦，放工順便約埋返呢頭嘅朋友食餐飯。行行下見到呢間裝修幾靓嘅印度餐廳，打破我對印度餐廳都好似重慶大廈咁亂糟糟嘅印象，見老闆伙計都係印度人，應該會正宗。來得早，以為餐廳冇人，後來先發現有二樓。講真，餐廳真係幾靓，坐得闊落，唔洗迫。一坐低，老闆就幫我地斟水，送上餐前小食。老闆通伙計態度都好好，只不過嗰啲醬我都係食唔慣上菜都算快。呢個【印度炸薯餅】外層炸得金黃，脆脆地，可以點小小茄汁。印度炸薯餅同日本嗰啲唔同，佢入面有芝士，食落酸酸地，仲有埋青椒，係幾開胃。叫左兩個Naan，一個【Garlic Naan】$25，一個【Lacchadar Paratha】$26（好似叫咩千層手抓餅）蒜香濃郁，熱喇喇，又綿軟，幾好食朋友唔食得辣，所以叫左【Masala雞】雞肉幾入味，幾大舊，唔似有啲餐廳雞肉唔新鮮。咖喱入口有回甘，又唔會好辣，係溫和的咖喱另外叫左兩杯Lassi，好似芒果乳酪/milkshake，幾好飲。埋單兩個人$330，都算抵食。