輕時光

Open Now

Now Closed

雖然我唔係第一次嚟，但今次忍唔住都要介紹下😉因為每一次嚟都有進步😊中環呢間分店，門外有一幅糖果彩色嘅打卡牆🌈同成條街嘅彩色店鋪都好襯🩷今次嚟到，店鋪嘅燈光靚咗，飲品款式多咗，同埋包裝貼心咗👍🏻之前買嘅時候，記得係只有軟膠杯蓋，拎走嘅時候都會要就住唔好倒瀉。今次喺蓋入面加咗一塊膜，無咁易倒瀉同埋保鮮啲👍🏻店員知道我拎走仲好貼心幫我癡一癡個蓋。好明顯老闆同店員都係力求進步又體貼客人🩷我最鍾意就係呢啲店鋪。芒果優格果昔 $40每次嚟都必點呢款，因為芒果嘅果香襯托出乳酪嘅奶香，非常夾。熱情果優格果昔 $40呢款同頭先一樣都係果香十足，不過係連核打碎咗熱情果，鍾意有啲口感嘅朋友就可以試。