Attic Handmade Pasta (Closed)

出開尖沙咀～午餐時間想食好少少😌俾我搵到呢間意大利餐廳🍴就去左試試個lunch set🤍餐包有三款，都係暖好咗再上枱💕前菜意式三文魚薄片，檸檬刺山柑油醋🐟🍋擺盤相當精緻✨三文魚薄片油脂豐富，配上醋中和油膩感覺😋南瓜忌廉湯🥣非常足料，南瓜味好濃🎃飲到最尾仲有大量南瓜蓉黐住係碗側邊✨香煎帶子伴椰菜花蓉 🍴🌿上菜嘅時候有暖盆非常貼心 ❤️帶子微微煎香 帶出濃郁嘅海鮮味 🌊主食卡邦尼手打意粉 👨‍🍳有別於一般出邊嘅卡邦尼 呢度嘅煙肉比較大塊🥓而且意粉係手工製作 非常卦汁 🍝法式黑松露蘑菇肉蓉釀雞卷 🍗雞卷外脆內軟😗慢煮嘅雞肉入邊包住蘑菇蓉保持水份🍄意大利黑松露配牛肝菌係超級香而且配菜都做得非常好食用適當嘅調味帶出蔬菜嘅甜味唔係一般出邊嘅白烚碗菜 🍽️👌🌟甜品伯爵茶意式奶凍係餐廳嘅招牌甜品🍮 超級動L 配上玫瑰花瓣🌹 打卡靚之餘又好食😋藍莓芝士餅 🍰係食到入邊真係有藍莓肉✨酸酸甜甜作為一餐嘅總結 🤤呢篇應該係我打過最長嘅食評🤣因為真係出乎意外嘅驚喜❤️‍🔥店員溫柔又細心每同佢講一次唔該佢都講一次唔使客氣搞到我超級唔好意思😳😳