星海薈﹒譽宴

Open Now

Now Closed

生日前當然要搵間好既餐廳慶祝下，依晚專登過沙田萬怡酒店食飯，簡左中菜廳星海薈，位置同沙田市中心唔算遠，另外最主要日原因係睇到介紹既沙薑雞同胡椒蟹，全隻沙薑雞都係$118，非常抵食，胡椒蟹肉質鮮甜厚肉，幸福感滿滿，天氣冬冰冰梗係叫碗湯飲下，餐廳推介花旗芯花膠雞湯，應該係女仕都抗拒唔到，另外我地仲叫左芥末炒牛肉粒，依種食法我自己第一次食，比起辣椒我更喜歡芥末，好清新。原來中菜餐仲吾可以做埋擺酒，自帶左個簡單但幾靚backdrop，幫新人慳返唔少，滿意既一餐！