Pause It

Open Now

Now Closed

之前同朋友食過旺角嘅分店，印象唔錯，呢晚經過炮台山，發現咗原來有間分店，裝修同旺角一樣都係走文青簡約風格。煙三文魚牛油果賓尼廸克蛋 ($108）- Egg Benedict賣相好吸引，煙三文魚加埋新鮮嘅牛油果，配上流心蛋醬，味道多層次。伴碟嘅沙律菜都非常新鮮好味，感覺健康。虎蝦青醬扁意粉（$108）- 虎蝦大隻，肉質爽甜，意粉整得煙靭彈牙，仲有車厘茄及蘆筍等配菜，好清新開胃嘅一道菜。伯爵茶鮮奶咖啡（$42）- 首先要讚下個拉花好靚，打卡一流。入口茶味好香，仲有好綿密嘅鮮奶咖啡，味道唔錯。英國梨冰茶（$38）- 估唔到冰茶嘅賣相都咁靚，入口有淡淡嘅水果香味，鍾意佢唔會太甜，夠晒消暑解渴。 餐廳食物質素唔錯，價錢亦好合理，特別鍾意佢環境好坐，好有文青感覺，啱晒同朋友傾偈飲嘢。