Video
Read full review
2021-02-15
179 views
星期五下晝同朋友去咗將軍澳行激安，順便搵吓有乜好食。行出啲近海旁單車徑嗰邊有一排餐廳，每間好似都唔錯。不過港女嘅我哋對日本餐廳「花楽」最有興趣😚。估唔到呢個時段餐廳都咁座無虛席，厲害👏。餐廳環境好整齊，座位之間唔逼夾，並且利用咗落地大玻璃透光入內，但啲窗好似係固定咗，咁就唔可以開嚟變户外座位。我哋入嚟就係為咗食$268兩位嘅🌸花楽日式下午茶，因為好似有好多嘢食，而且亦啱打卡。實物出到嚟同相片一樣😍，完全無落差，好得體，淨係個架夠大已經好有氣勢！先講熱嘅鹹食部份，上菜速度比甜點快，三款食物放置喺一個較細嘅架上。食物款式未必係餐牌所列舉嗰幾款，有機會有些少分別。其中兩樣都係雞🐓：明太子雞翼同唐揚炸雞，雞翼幾好味，係去骨連雞翼尖嗰種，但如果一人有一隻就更好。芽蔥牛肉卷係三款之中最好食，🐮牛肉片包住嘅係芽蔥，蔥條超幼細，我第一次食，發現原來味道甜甜哋，而且仲要完全無臭青同辣味。牛肉同芽蔥好夾，配埋個醬汁食好惹味。金絲鳥籠分上下兩層，店員上餐時有細心介紹食物款式，仲提我哋要食咗上層先。上層有玉子燒、青瓜牛油果飯卷、金目鯛波子壽司、水果蕃茄同芥末八爪魚。🥚玉子正正常常，而兩款壽司飯🍣嘅醋味啱啱好，
星期五下晝同朋友去咗將軍澳行激安，順便搵吓有乜好食。行出啲近海旁單車徑嗰邊有一排餐廳，每間好似都唔錯。不過港女嘅我哋對日本餐廳「花楽」最有興趣😚。
估唔到呢個時段餐廳都咁座無虛席，厲害👏。餐廳環境好整齊，座位之間唔逼夾，並且利用咗落地大玻璃透光入內，但啲窗好似係固定咗，咁就唔可以開嚟變户外座位。
花楽日式下午茶
3 views
0 likes
0 comments
先講熱嘅鹹食部份，上菜速度比甜點快，三款食物放置喺一個較細嘅架上。食物款式未必係餐牌所列舉嗰幾款，有機會有些少分別。其中兩樣都係雞🐓：明太子雞翼同唐揚炸雞，雞翼幾好味，係去骨連雞翼尖嗰種，但如果一人有一隻就更好。
芽蔥牛肉卷
3 views
0 likes
0 comments
金絲鳥籠分上下兩層，店員上餐時有細心介紹食物款式，仲提我哋要食咗上層先。上層有玉子燒、青瓜牛油果飯卷、金目鯛波子壽司、水果蕃茄同芥末八爪魚。🥚玉子正正常常，而兩款壽司飯🍣嘅醋味啱啱好，唔會太酸。波子壽司造型好精緻，因為圓圓兩粒用蔥串起，就成為車厘子咁樣🍒；而魚生上面亦加咗金萡。
牛油果卷上面加咗魚子醬，所以有份鹹香。🐙芥末八爪魚仔用小杯裝住，生嘅八爪魚唔腥，因為Wasabi味調得好好。🍅最後食嘅蕃茄仔就有點兒太酸了！
焦糖芝士蛋糕
2 views
0 likes
0 comments
下午茶餐包一壺花茶(可添加熱水)，粉紅色嘅茶具少女風滿瀉💕。花茶口味有五款選擇，包括日本玄米焙茶、檸檬百香果、洛神花茶、白桃鳥龍同我哋揀咗嘅日本水果茶。水果茶同我想像中好唔同喎，佢完全唔似台式嗰種，反而有啲似日式罐裝水果糖嘅味，哈哈。水果茶顏色好紅，我開初仲以為餐廳比錯咗洛神花😝。由於茶味偏清淡，所以餐廳提供嘅蜜糖就大派用場。
總括嚟講，呢個靚靚日系花茶下午茶令人滿意，造型吸引，但亦唔會忽略味道😋。不過對於我呢啲大食怪嚟講，份量有啲少，唔太夠飽🙈，但我明白食Afternoon Tea重點從來都唔係呢方面，哈哈。呢度環境好適合三五知己傾吓偈，食啲嘢。最後，店員服務態度正面積極，抵讚👍。
Post
