Lemongrass (Closed)

喺奧海城行完街， 就openrice一下附近有咩食，見到呢間泰國餐廳，個樣又幾靚喎， 拎住一袋二袋，一於就近近哋食呢間啦。 呢間泰國餐廳行新潮路線， 一眼望過去成間餐廳啲裝修都好色彩繽紛，個吧枱上塊黑板用彩色粉筆畫左啲圖，感覺好有活力。個menu啲菜式都幾多， 嘢飲選擇更係好多花樣，普通泰國奶茶、椰青、 紅豆冰不在話下， 仲有好特別嘅野飲，例如藍蝶豆花特飲。 藍蝶豆花特飲一開始係藍藍哋色，serve嗰陣時會畀一杯青檸汁你,加入去攪一攪就會變成紫色嘅，好靚又好玩。不過味道方面，其實就有啲似利賓納加雪碧，真係唔知藍蝶花豆本來嘅味道係咩。 朋友嗌咗個椰林飄香，個樣都幾椰林feel,試咗一啖，哎呀，伏已中,完全係罐頭菠蘿嘅味道, 所以幾時都話樣係信唔過嘅, 真係要嗒過先知。 野食方面呢，我會推介沙爹雞肉串燒，雞肉正常夠嫩，加埋個沙嗲醬，幾香口。 海鮮喇沙幾夠料， 有唔少海鮮，米線份量又多， 而且啲米線幾高質，就算我地浸咗一陣先食都唔會變到好冧。但係呢間餐廳啲檬粉就好唔掂喇，太過乾身，應該係一早烚好擺埋一二角，一到個菜式要用就攞出嚟整。 所以個豬頸肉撈檬粉同個軟殼蟹米紙卷，都比啲檬粉糟蹋晒，早知