CURATOR Art & Café (Closed)

今次去到尖沙咀商場中一間富有藝術氣息既咖啡店，呢到放置左許多草間彌生、村上隆、KAWS等藝術品同商品，可以享用咖啡美點之餘，同時也感受藝術氣息。波士頓龍蝦意粉將意粉造型成龍蝦形態，賣相相當吸引，龍蝦預先拆殼，肉質新鮮彈牙，蕃茄醬汁味道濃郁，龍蝦頭仲爆曬膏，十分邪惡。招牌安格斯牛肉漢堡 漢堡扒入口軟腍多汁，厚切蕃茄同青瓜，相當有份量，上面還有太陽蛋，切開時蛋漿四濺，仲有墨西哥脆片伴碟都幾特別！Tiramisu手指餅沾滿咖啡，味道濃郁，表面好多朱古力粉，幾好食！藝術打印朱古力可以選擇打印店家提供或自己喜歡既相片，因為我吾飲咖啡，所以揀左朱古力，幅畫咁靚真係好吾捨得飲，朱古力味道香濃，入口幼滑，朱古力奶控一定要試！雪橙冰紅茶淡淡橙味既紅茶，配甜品岩曬！