Video
Read full review
2023-06-25
35 views
一早去銅鑼灣換禮品，行行下十二點又到lunch 時間，見到個樓上泰國餐廳廣告好似未見過，就同老公一齊上去試吓。上到去門口就feel 到走高級泰菜路線，幾靚好乾淨，裝飾佈置有d Vintage路線，枱鋪曬泰式布，有插花，staff 穿制服好整齊。望下餐牌，星期六都有lunch menu，點了幾樣試吓。羅勒葉辣椒海鮮炒河色香味俱全，好多海鮮，有帶子、青口、大蝦同魷魚，海鮮食落新鮮，同河粉都好配合，河粉一片片，寬薄，口感爽滑。醬汁好有泰式感覺，有d香葉清香既味道，唔算太辣，一貫傳統泰式風味會較油，不過真係好香。泰北燒雞椰香飯先唔講燒雞，我哋2個都覺得椰香飯就咁食，唔加配料已經好好味。個椰香飯真係做得好好，夠哂椰子味。燒雞好惹味，皮少少香脆，充滿咗香茅味。個照燒醬甜甜地有不失泰式風味，燒雞沾上醬汁，有畫龍點睛效果，十分之好味。芒果糯米飯甜品價錢優惠，性價比好高，椰奶芒果汁好香，糯米飯撈入蝶豆花汁，不錯嘅甜品。椰汁馬蹄冰呢個真係消暑既好甜品，細既冰粒令成杯不論當甜品咁食或當飲品咁飲都可以，一粒粒好似紅寶石嗰啲入面係馬蹄，重有d爽口芒果絲同埋椰子肉，令成杯更香更好味。以為間餐廳走高級路線，入去時冇
上到去門口就feel 到走高級泰菜路線，幾靚好乾淨，裝飾佈置有d Vintage路線，枱鋪曬泰式布，有插花，staff 穿制服好整齊。望下餐牌，星期六都有lunch menu，點了幾樣試吓。
羅勒葉辣椒海鮮炒河
色香味俱全，好多海鮮，有帶子、青口、大蝦同魷魚，海鮮食落新鮮，同河粉都好配合，河粉一片片，寬薄，口感爽滑。醬汁好有泰式感覺，有d香葉清香既味道，唔算太辣，一貫傳統泰式風味會較油，不過真係好香。
泰北燒雞椰香飯
先唔講燒雞，我哋2個都覺得椰香飯就咁食，唔加配料已經好好味。個椰香飯真係做得好好，夠哂椰子味。燒雞好惹味，皮少少香脆，充滿咗香茅味。個照燒醬甜甜地有不失泰式風味，燒雞沾上醬汁，有畫龍點睛效果，十分之好味。
芒果糯米飯
甜品價錢優惠，性價比好高，椰奶芒果汁好香，糯米飯撈入蝶豆花汁，不錯嘅甜品。
椰汁馬蹄冰
呢個真係消暑既好甜品，細既冰粒令成杯不論當甜品咁食或當飲品咁飲都可以，一粒粒好似紅寶石嗰啲入面係馬蹄，重有d爽口芒果絲同埋椰子肉，令成杯更香更好味。
以為間餐廳走高級路線，入去時冇乜人，不過食食下愈來愈多人，到賣單時係滿座。餐廳環境坐得好舒服，而且lunch Menu嘅食物價錢亦OK，難怪咁多人幫襯。
Post
