城市匯 (Closed)

起初是因為佢嘅 picnic style afternoon tea 而認識這間餐廳，估唔到晚餐都有返咁上下水準。首先講下餐具同其他用品，設計都相當有創意亦好有心思。店長推介了二人餐，前菜係醃製嘅小魚，旁邊白色醬料完全帶出小魚嘅味道：相比起第二道前菜 － 多士 － 就比較遜色：主菜揀咗松露烤雞，上菜果刻真係以為佢搞錯咗，心諗，焗雞點會放湯嘅呢？食落有好大驚喜，松露味非常濃郁（好足料呀），份量仲好大（我哋兩個女仔根本食唔晒）。甜品方面，店長都好用心幫我朋友寫上生日祝福：整體而言，餐廳環境適合朋友靜靜地傾下計，服務員都有好好嘅禮貌，是值得推薦嘅！