大觀園食坊

Open Now

Now Closed

朋友介紹我地去左大觀園食晚飯，一坐低有個靚女介紹我地食豬扒油翼飯、咖哩雞扒火腿飯、清湯牛腩飯，咁我地就叫左咖哩雞扒火腿同煎肉餅加蛋飯、西洋菜雲吞小辣两杯凍檸茶，等餐其間一直都奇怪點解一間咁細舖點會有人唱歌（好難聽)，所以去洗手間的時候竟然發現咗唱歌嗰個原來系個好瘦嘅廚房師傅擔住支煙一邊唱歌一邊跳舞一邊肉餅，當時我真係想笑但係又驚，驚啲煙灰跌咗落塊肉餅度， 到最後覺得咖哩幾有特色好似食黃色椰汁雞，個西洋菜雲吞好正，麻辣好香，個廚房師傅太搞笑又污糟擔住支煙整食物，下次去食真系睇清楚邊個師傅做。