Video
Read full review
2015-07-29
204 views
是日原本約朋友嚟元朗食雞⋯未搵到間鋪之前，竟然俾我離遠望到有堆人係前面排長龍，八卦心驅使下，同朋友行過去望望係咩餐廳⋯拉麵天王？分店？新開？哈哈哈⋯真係非一般嘅遇上！既然非一般遇上情況之下，就即場排隊試試啦，反正早飯都未食^^"鋪頭門面大致同紅磡間鋪差唔多，只係正門左右擺位唔一樣，個燈籠超級大！應該高過我本人^_^''排左20分鐘左右就輪到我地喇，店內只有bar檯冇order檯，容納到十幾個人左右，鋪頭細細，但感覺還算寬敞，張木凳比較重，想移動都比較難控制，但感覺懷舊，同鋪頭裝修好相襯，重要係凳面夠圓，坐得舒服。白、黑、赤天王就係鐵定嘅麵食，而今期限定天王係～胡椒天王。嘩，正呀！但係今日又想食辣多啲，咁就同朋友一齊點左赤天王，麵條硬度、口味、香油都揀左普通，由於怕太飽，我地都要求師傅俾半個麵嘅份量我地就可以，因為我地仲order左一份烤餃子！同兩支可樂！等左一陣，熱辣辣嘅拉麵上檯喇！唔客氣喇～豬骨湯底好香，微微嘅辣度，可以飲多幾啖再食麵，普通硬度嘅麵條口感啱啱好，索晒湯汁精華，啖啖滋味！配料黑木耳同椰菜好新鮮，叉燒好味左喎！肉質鬆軟，肥瘦度啱啱好。味蛋留返最後先食，因為太愛佢喇！好好味
是日原本約朋友嚟元朗食雞⋯未搵到間鋪之前，竟然俾我離遠望到有堆人係前面排長龍，八卦心驅使下，同朋友行過去望望係咩餐廳⋯拉麵天王？分店？新開？哈哈哈⋯真係非一般嘅遇上！
既然非一般遇上情況之下，就即場排隊試試啦，反正早飯都未食^^"
鋪頭門面大致同紅磡間鋪差唔多，只係正門左右擺位唔一樣，個燈籠超級大！應該高過我本人^_^''
排左20分鐘左右就輪到我地喇，店內只有bar檯冇order檯，容納到十幾個人左右，鋪頭細細，但感覺還算寬敞，張木凳比較重，想移動都比較難控制，但感覺懷舊，同鋪頭裝修好相襯，重要係凳面夠圓，坐得舒服。
白、黑、赤天王就係鐵定嘅麵食，而今期限定天王係～胡椒天王。嘩，正呀！但係今日又想食辣多啲，咁就同朋友一齊點左赤天王，麵條硬度、口味、香油都揀左普通，由於怕太飽，我地都要求師傅俾半個麵嘅份量我地就可以，因為我地仲order左一份烤餃子！同兩支可樂！
等左一陣，熱辣辣嘅拉麵上檯喇！
唔客氣喇～豬骨湯底好香，微微嘅辣度，可以飲多幾啖再食麵，普通硬度嘅麵條口感啱啱好，索晒湯汁精華，啖啖滋味！配料黑木耳同椰菜好新鮮，叉燒好味左喎！肉質鬆軟，肥瘦度啱啱好。味蛋留返最後先食，因為太愛佢喇！好好味～
食到一半，再加入檯面免費嘅辣芽菜！辣度指數即時增加！好辣呀，但愈辣就愈想再食，返唔到轉頭。
烤餃子烤得啱啱好，外皮香脆，內餡肉汁仲好juicy! 朋友話個餃子汁好正，點餃子食一流，但我就鍾意就咁食，貪佢夠原汁原味。
我地用左最快嘅速度食完一碗麵，因為見到門外仲有條人龍，將心比己，所以快快脆食晒，等其他人都可以快快入嚟開餐。
Post
