Video
Read full review
2015-01-23
3734 views
睇流行首爾介紹炸雞，即刻回味去年係韓國食橋村炸雞真係好味到一食愛上。於是即刻上OR睇下邊到有好味嘅炸雞店。唔洗5分鐘就揾到哩間食評好好，一於就黎試下順便慶祝阿毛生日 😅
燒五花腩肉 第一碟餸上枱，已經流晒口水，因為排隊等位都等左半粒鐘，已經好肚餓。第一嗒入口，口感麻麻。肉燒得太耐，邊位已經燶左，又乾又硬，仲有d燶苦味，唔似平時嘅燒肉咁淋咁juicy.😑
芝士蛋卷第二碟上枱 芝士蛋卷，係食評見到好多人點，又跟風去試下。岩岩上枱d雞旦未完全熟晒仲好滑，配埋入面拉得出嘅芝士，好味。但係一定要趁熱食，之後凍左旦又熟晒，變得乾左無咁滑口。
原味炸雞 甜辣醬炸雞雙拼係韓國試過橋村辣雞辣得濟食唔到，擔心哩到都會好辣。問左服務員話唔會好辣，就叫雙拼黎試下。先試左原味雞，第一嗒咬落去，我地三人都異口同聲話失望。跟韓國吃到的完全兩回事。雖然入口雞肉也很嫩滑，炸粉唔太厚，但味道只是一般，奇怪嘅係原味雞都是辣的。大家要留意一下。到試辣雞，佢嘅甜辣醬太甜啦，食完第一件已經唔想再食第二件。當我再食第二件嘅時候，我只係咬左一口就放棄左佢。未上菜之前，見到對面枱一對男女只係點左一碟辣雞食，但係見個女仔食左好耐都未食完
燒五花腩肉
第一碟餸上枱，已經流晒口水，因為排隊等位都等左半粒鐘，已經好肚餓。第一嗒入口，口感麻麻。肉燒得太耐，邊位已經燶左，又乾又硬，仲有d燶苦味，唔似平時嘅燒肉咁淋咁juicy.😑
芝士蛋卷
第二碟上枱 芝士蛋卷，係食評見到好多人點，又跟風去試下。岩岩上枱d雞旦未完全熟晒仲好滑，配埋入面拉得出嘅芝士，好味。但係一定要趁熱食，之後凍左旦又熟晒，變得乾左無咁滑口。
原味炸雞 甜辣醬炸雞雙拼
係韓國試過橋村辣雞辣得濟食唔到，擔心哩到都會好辣。問左服務員話唔會好辣，就叫雙拼黎試下。
先試左原味雞，第一嗒咬落去，我地三人都異口同聲話失望。跟韓國吃到的完全兩回事。雖然入口雞肉也很嫩滑，炸粉唔太厚，但味道只是一般，奇怪嘅係原味雞都是辣的。大家要留意一下。
到試辣雞，佢嘅甜辣醬太甜啦，食完第一件已經唔想再食第二件。當我再食第二件嘅時候，我只係咬左一口就放棄左佢。未上菜之前，見到對面枱一對男女只係點左一碟辣雞食，但係見個女仔食左好耐都未食完，我地講笑以為佢排隊排得耐，慢慢食想坐返夠本。原來跟本就食唔落去…… 😧
仲有想講嘅係，哩到嘅價錢亦都係非一般，每樣餸都是過百元，就連一碟炸薯條，一碟泡菜煎餅都要一百元，辛辣面五十大元。
總括黎講，如果你未試過韓式炸雞嘅話，可能會帶俾你驚喜嘅!!
Post
