鉄人大盛 (Closed)

平時食放題食得多，但以鉄板燒做主打既都係第一次！食完覺得幾唔錯！值得encore！飲品唔算超多，但要有既都有。雪糕有Haagen Dazs，任食！見到有香蕉味，幾好食，好香香蕉味！眼見全場成十個鐵板燒師傅，每人負責唔同既食物。全部新鮮煎起，熱辣辣，又香口！呢個係新鮮煎起既牛柳粒同肥牛卷。牛柳外邊煎焦焦地，好香，唔係全熟，食落好稔，好有牛味！蒜片牛柳尤其香口，加上甜甜地既醬汁，好好食！煎鵝肝，又一必食選項！鵝肝煎到超級香，外脆內軟，好creamy ！超多人叫既扇貝。夠大只，好好肉，彈牙、爽口！右下角既係黑松露魚柳。個黑松露醬好香！好食，加上份量夠多，可以點埋其他野食！正！我地都食左好多壽司細細件，料又多！酸酸地既壽司飯令人好開胃！右下角只赤蝦好大只，無腥味，好清甜爽口！海膽好新鮮，好甜！焗蠔好香蒜蓉味！正！壽喜燒每次放題必食既！個鍋甜甜地，肥牛好足，好食！台灣腸同海膽丸煎到好香，焦焦地！小食必叫之款！呢間食物種類好多，食物上得快，同新鮮做起！加上好多師傅即時整，幾特別！推薦大家黎！