Jinjuu (Closed)

又係gathering 嘅時候！幾個前同事見下面吹下水，梗係要搵啲好食嘢啦！有人提議食韓國炸雞，平時食開嗰啲又好似太悶，就試下呢一間fusion 韓菜！之前睇過啲資料，知呢到係美籍韓裔女主廚JudyJoo開嘅，而佢嘅韓式食物對比平時食開嘅多咗唔少西式風格，咁就梗係要試下啦！主角係雞，當要講雞先！呢到嘅炸雞其實只有一款，唔好諗咩蔥味好定係甜酸味好喇！不過就係呢樣嘢好，日本啲老店百九幾年都係賣3、4款食物，原因係專心專注，水準自然就出色！而且係原隻炸，唔係雞件，賣嘅方式有2種，就係成隻嚟同埋細細碟喇。成隻上的話六百幾七百蚊一隻，細碟就百三蚊，不過既然為雞而來，當然就要大啦！分開6件上，我哋6個一人一年剛剛好！佢會放上2個樽仔嘅醬汁，一個係甜酸醬汁，另一個係鼓油味道，一次過可以食3個味！(計埋原味嘛) 我會用清爽嚟形容呢個炸雞，因為佢係無咩油膩感，個皮炸到好脆但係唔肥，更加驚喜係啲雞肉非常嫩滑，一啲都無煮耐咗先有嘅「鞋口」感覺。個人認為佢揀雞都應該有一定嘅規矩，因為啲皮真係好薄！好味！至於個汁，建議大家唔好沖涼咁點汁食，因為佢個雞本身都好惹味！無謂搵太多醬汁搞寸個party啦？不過點少少又真