Goldfinch (Closed)

呢排好熱都唔想行咁遠食飯🫠 幸好去餐廳食飯當日唔熱， 餐廳環境咁幾寧靜舒服😌 每道菜式都覺得好有設計同配搭， 覺得好有新鮮感。 頭盤先有麵包配Ajvar醬（燈籠椒同茄子）， 出面少有， 但呢隻3 色椒味有啲生，比較搶🫣 🍉 頭盤揀左西瓜龍丼凍湯， 好特別， 夏天咁熱好吸引！ 😋好似飲緊西瓜汁咁， 但唔會好甜，有淡淡茶香。 拖羅、提子及柴魚高湯啫喱他他金杯 （+HKD 45) 好靚 🌹拖羅唔算肥， 不過配埋青紅提子🍇甜甜地 好精緻既頭盤！ 湛江雞，臘腸及芥菜薯蓉，蕃茄蕃莤忌廉汁 HKD218 set lunch 講明用“廣東三大名雞”， 肉質好Juicy , 雞髀雞胸都幾厚肉， 皮煎得好香！ 薯蓉都唔會求其， 加左臘腸及芥菜， 係軟滑薯蓉加番啲口感新意～ 蕃茄蕃莤忌廉汁只會低調咁為主角解膩，唔洗擔心佢係好酸個種蕃茄醬🥫和牛崩沙腩扒、燉節瓜、漬甘荀、紫米、香茅肉汁 HKD228 set lunch 西餐食崩沙腩都係第一次🤣賣相好靚！ 崩沙腩煮得好淋滑， 火口剛好， 不過會有少少肥，個汁既香茅味唔算出。 紫米好煙韌😙Fusion 菜式好有心機設計，唔會係隨便煎牛扒、 魚柳既貨式～推薦！