CHIMAC (連城廣場)

Open Now

Now Closed

沙田連城廣場開咗間CHIMAC韓國炸雞店，近晚餐時間見到好多人堂食及外賣，望見多款炸雞，非常吸引，決定一試。🥰最後我哋order咗韓國原味炸雞、蜂蜜焦糖炸雞、洋蔥芝士炸雞、配炸薯條、酸蘿蔔。😍韓國原味炸雞揀左5件有骨炸雞，炸得甘香可口，好有韓式原味道。😋蜂蜜焦糖炸雞都係揀左有骨炸雞，加上蜂蜜焦糖嘅甜度，小朋友至愛。😋洋蔥芝士炸雞揀左6件炸雞腿肉，啖啖肉完全冇骨，再配合濃郁洋蔥芝士粉嘅味道，令味覺更上一層樓。😋3款炸雞都惹味，最緊要雞肉juicy又好滑好有雞味。😋炸薯條係粗身薯條，香口之餘又有口感，酸蘿蔔好有韓國風味，套餐包埋無糖雪碧就配食炸雞一流。😋