Video
Read full review
2015-03-01
792 views
唔想食得太飽但又想飲柸咖啡食個靚靚下午茶, 又唔想行得遠, 行到附近見個tea set menu ok, 所以試呢間未試過~叫咗個鮮果窩夫配雪糕$62連ice cappuccino同焦糖香蕉熱香餅配雪糕$72連latte~Latte同ice cappuccino首先黎先, 其實自己鍾意凍飲, 但為咗testing個咖啡有無拉花同香唔香, 我會特登叫熱咖啡~ Latte黎到無拉花少少失望, 同未算太香濃~ Ice cappuccino黎到都算靚~反而個窩夫同熱香餅送到黎賣相非常有意外驚喜(因只不過一個tea set想坐下飲柸咖啡唔會有乜要求, 又唔係食set lunch/dinner嘅甜品), 因為出面幾間出名食窩夫嘅餐廳最多未將個生果同cream放上碟, 唔會好似呢到咁少少嘅tea set都有伴碟有心思咁砌個擺法, 雖然唔係有乜特別難度, 但呢個用心同誠意對於我呢d都注重display嘅人, 我係會注意到同心底裏一讚~賣相靚之外, 食物質素又意外地非常之好!! 個窩夫新鮮熱辣非常之脆, 配埋d雪糕加生果好好味!! 跟住個熱香餅又係非常之好味, 熱香餅有焦糖味甜甜地唔溜同脆, 配埋香蕉同
唔想食得太飽但又想飲柸咖啡食個靚靚下午茶, 又唔想行得遠, 行到附近見個tea set menu ok, 所以試呢間未試過~
叫咗個鮮果窩夫配雪糕$62連ice cappuccino同焦糖香蕉熱香餅配雪糕$72連latte~
Latte同ice cappuccino首先黎先, 其實自己鍾意凍飲, 但為咗testing個咖啡有無拉花同香唔香, 我會特登叫熱咖啡~ Latte黎到無拉花少少失望, 同未算太香濃~ Ice cappuccino黎到都算靚~
反而個窩夫同熱香餅送到黎賣相非常有意外驚喜(因只不過一個tea set想坐下飲柸咖啡唔會有乜要求, 又唔係食set lunch/dinner嘅甜品), 因為出面幾間出名食窩夫嘅餐廳最多未將個生果同cream放上碟, 唔會好似呢到咁少少嘅tea set都有伴碟有心思咁砌個擺法, 雖然唔係有乜特別難度, 但呢個用心同誠意對於我呢d都注重display嘅人, 我係會注意到同心底裏一讚~
賣相靚之外, 食物質素又意外地非常之好!! 個窩夫新鮮熱辣非常之脆, 配埋d雪糕加生果好好味!! 跟住個熱香餅又係非常之好味, 熱香餅有焦糖味甜甜地唔溜同脆, 配埋香蕉同雪糕係完美嘅配搭!! 連好少出聲嘅老公都開口同個店員 & 廚師讚個熱香餅~
之後發覺唔收加一, 凍飲唔洗加錢, 覺得非常之好, 令我即刻list呢間為我新嘅下午茶之選之一~
Post
