虎嘯日式蒸氣海鮮刺身專門店 (亨環‧天后)

Open Now

Now Closed

太耐冇食呢一間我好鍾意嘅「虎嘯」，佢係一間主打食日式蒸氣刺身嘅餐廳。店員就推介我哋試吓呢個人氣套餐，✨100%真六釘阿拉斯加長腳蟹套餐✨！難得咁耐冇嚟食，就決定要食最好㗎啦！阿拉斯加長腳蟹✨大過我塊面嘅長腳蟹真係冇得頂，長腳蟹嘅肉質好飽滿，食落都好鮮甜，超正！法國藍龍蝦✨藍龍蝦毫無腥味，味道鮮甜，夠哂新鮮！日式京葱醬油配本地地雞✨呢一個雞肉超滑，用咗日式嘅烹調方式，加左醬油有啲甜甜地咁。甲羅蒸烏冬✨好邪惡嘅加入甲羅蒸烏冬，蟹殼有滿滿的蟹膏！蘇格蘭刺身帶子✨蘇格蘭的帶子出名鮮甜又大隻，果然名不虛傳！