海膽仔

Open Now

Now Closed

帶埋個朋友仔約食飯，話想食日本菜，不過兩個女仔食放題唔太抵，攞差唔多價錢食單點，食物質素更高更好食。今日就揀咗食海膽仔，真係非常滿意。燒鮪魚腦天丼 - 朋友講鮪魚腦係屬於稀有部位，係魚頭頂嘅肉，聽講一條魚剩係得小小2塊肉…我試咗一片，非常肥美，滿口油脂，口感軟滑，炙燒過更加香！壽司定食 - 有海膽、赤蝦、魚子、帶子、三文魚、吞拿魚。果然係海膽專門店，味道非常新鮮，口感濃郁，滿口海膽鮮味。刺身嘅質素都好高，特別新鮮，尤其係魚子同帶子。定食仲有湯同沙律，性價比好高。倍化帶子吞海膽 - 帶子真的非 常 之 巨 大，亦都非常之新甜，加上招牌海膽，啖啖都覺得好奢侈，好幸福✨