Video
Read full review
2024-08-25
3984 views
呢度嘅🦀真係非常新鮮，配合不同嘅烹調煮法，一個非凡嘅🦀宴😋有多款嘅套餐選擇，我哋就叫咗「嘉 - 鱈場蟹」，前菜係一個凍食嘅蟹肉啫喱杯，另有秋葵，同埋日本嘅白色粟米🌽，好清新，好開胃👍🏻主菜有「燒鱈場蟹（蟹腳•蟹鉗）」，蟹鉗大大隻，啖啖肉，燒得好香，熱辣辣好好味。「鱈場蟹腳天婦羅」，係我最欣賞嘅，炸粉好薄，蟹腳好大條，鮮甜又好多肉，食落去，真係覺得係非一般嘅天婦羅🤤，仲要份量好多，每人有成4至5條蟹腳，我哋食完已經飽咗一大半。「鱈場蟹火鍋」同「雜菜盤火鍋」其實係一齊食嘅火鍋配料，有成十幾嚿蟹肉，再加一大兜蟹膏，啲菜🥬根本已經食唔晒，雖然都好新鮮，不過冇浪費到，餐廳主動幫我哋pack好俾我哋拎走。「蟹肉餃子」雖然入邊係有好多蟹肉同埋紫蘇葉，不過我個人覺得就冇乜特別。食完所有火煱配料之後，餐廳會再幫我哋整個「雜燴粥」，佢會主動問想要「稀」啲定係要「𠎀」啲嘅，個口感就似係泡飯，佢哋會加隻蛋，另外再俾紫菜我哋自己加上去食。最後到甜品，我哋揀咗「綠茶紅豆糕」同埋「薑茶」，個薑茶好薑味，就好似食完大閘蟹飲薑茶嗰種嘅味道，而個「綠茶紅豆糕」又唔會太甜，啱啱好。不過去到最尾食甜品嘅時候，我哋張枱係坐喺V
有多款嘅套餐選擇，我哋就叫咗「嘉 - 鱈場蟹」，前菜係一個凍食嘅蟹肉啫喱杯，另有秋葵，同埋日本嘅白色粟米🌽，好清新，好開胃👍🏻
主菜有「燒鱈場蟹（蟹腳•蟹鉗）」，蟹鉗大大隻，啖啖肉，燒得好香，熱辣辣好好味。
「鱈場蟹腳天婦羅」，係我最欣賞嘅，炸粉好薄，蟹腳好大條，鮮甜又好多肉，食落去，真係覺得係非一般嘅天婦羅🤤，仲要份量好多，每人有成4至5條蟹腳，我哋食完已經飽咗一大半。
「鱈場蟹火鍋」同「雜菜盤火鍋」其實係一齊食嘅火鍋配料，有成十幾嚿蟹肉，再加一大兜蟹膏，啲菜🥬根本已經食唔晒，雖然都好新鮮，不過冇浪費到，餐廳主動幫我哋pack好俾我哋拎走。
「蟹肉餃子」雖然入邊係有好多蟹肉同埋紫蘇葉，不過我個人覺得就冇乜特別。
食完所有火煱配料之後，餐廳會再幫我哋整個「雜燴粥」，佢會主動問想要「稀」啲定係要「𠎀」啲嘅，個口感就似係泡飯，佢哋會加隻蛋，另外再俾紫菜我哋自己加上去食。
最後到甜品，我哋揀咗「綠茶紅豆糕」同埋「薑茶」，個薑茶好薑味，就好似食完大閘蟹飲薑茶嗰種嘅味道，而個「綠茶紅豆糕」又唔會太甜，啱啱好。
不過去到最尾食甜品嘅時候，我哋張枱係坐喺VIP房出邊嘅，懷疑入邊嘅乘客偷食煙，好濃烈嘅煙味，有啲掃興，所以即刻埋單走人。
Post
