好德來小籠包店 (Closed)

平日晚餐，叫左小籠包，鱔糊湯麵，回鍋肉(sorry無影) 同埋一個三色百頁卷。整體而言，抵食、味道正路，地點算就腳，幾好招呼，如果係佐敦想食餐快靚正上海嘢，唔錯。小籠包中規中矩，皮比較厚，湯汁算多。新鮮滾熱辣，不俗。鱔糊中上，個人而言上海嘢最好食係鱔糊。呢碟鱔糊比起其他有驚喜。鱔身夠爽，銀芽份量夠，蒜香味啱啱好。個麵就好普通。個湯底似滾水多過湯。下次會叫一客鱔糊加白飯。回鍋肉有得揀牛或豬，揀左豬。味道幾好，唔會太甜太辣。配菜夠多，爽口。肉都唔吝嗇。本身想叫個菜，事頭婆推介我試三色百頁卷。係冷盤，食落小小麻油味，感覺好清新。開胃。幾特別，值得一試。環境就一般港式中餐格局，坐位偏細，乾淨企理。冷氣較涼。值得一提，免加一。性格比高。