糧友パン工房

Open Now

Now Closed

聽聞左呢間「糧友工房」好耐，一直都想試下，係日本九州最大麵包連鎖店，用既係日本入口酵母培養器自行培養既天然酵母同埋用石窯烤麵包，石窯烤爐入面係塊麻石，吸熱快散熱慢，所以整麵包好岩，想試好耐，終於的起心肝買黎試下。月島軟心芝士餃子 $14當然係試店內No.1既麵包，外形真係成隻餃子咁，麵包皆用上新鮮酵母、小麵粉，呢款再用左奶粉，麵包入口帶股奶香，用石窯比起用焗爐烤既麵包更鬆軟，但唔會有焦香，密度正常，麵包唔會好重手但又唔算太空氣，軟心芝士咸咸地咁配帶微奶香既包身係幾夾。一定會再試佢其他包，價錢我覺得都可以接受既，未到話太貴，加上佢用既材料都比較高成本，值得我用呢個價錢去幫襯佢。