Hashtag B

Open Now

Now Closed

經過尖沙咀每一次都見到勁多人排隊，知道好多遊客為咗個蛋撻排好耐，不過食完之後都明白原來佢咁受歡迎真係有原因，因為蛋撻同麵包實在高質。之前聽朋友講排隊曾經排過45分鐘以上，我好好彩15分鐘就到我，當然要試最出名嘅千層蛋撻，原味係焦糖，期間限定係柚子味，我兩款都試齊。即場食咗原味焦糖蛋撻，真係非常脆卜卜，而且偏大個，好香蛋味底部有焦糖，老實講真心好味，我覺得排隊都值得一試，另外柚子味買咗返公司，隔咗兩個鐘先食，雖然酥皮冇咁趣，不過柚子味好清新配上cream cheese，同焦糖蛋撻兩個唔同感覺，兩款我都鍾意。買麵包返屋企比小朋友當下午茶，買咗一個蘋果金寶酥，一個煙肉酥，同埋一個朱古力酥，我覺得最好味係個煙肉酥，切開睇吓入邊真係有煙肉，而且有芝士，好香，蘋果金寶小朋友鍾意因為甜甜地好惹味，總括嚟講我明白呢間舖頭點解會長期咁多人排隊，因為真係高質，如果未食過真係值得一試。