Running 燒 (Closed)

將軍澳Popcorn商場坐升降機上一層，原來仲有幾間餐廳包括翠苑， Running燒等。行商場唔太顯眼有第三層，加上冇電梯一定要坐升降機。朋友介紹running 韓燒都幾多食物選擇，放題價錢再加 20幾蚊有asahi beer 暢飲。邊食燒肉邊任飲，好爽呀。除咗app手機任點，仲有buffet table主要為蔬菜類別，包括冬菇、翠玉瓜、茄子、粟米。當然食得多肉類，有蔬菜中和一下，之後又可以食更加多燒肉。嚟呢度必食嘅係韓式辛辣麵，上枱熱辣辣，麵質剛剛好仲係煙韌，幾飽都要食返一碗。柚子炸雞encore左五次，juicy又香口。海鮮類有帶子魷魚，朋友食蠔都可以慢慢燒。滿足嘅一餐，差不多一餐食咗lunch 同dinner 份量。