Video
Read full review
2019-05-27
587 views
日式放題食得多，韓式放題食過未？我真係未，上網見到呢間放題店唔止食平時食開既日式放題，仲有韓國野食，當中最特別係有生八爪魚食！記得對上一次食已經係好多年前係韓國，估唔到香港都有得食，拉埋另一半去。環境都算大，座位之間唔算太逼，仲有個位見到生八爪魚！收費時間：17:00-18:30 $228/位 +10%時間：18:45-20:45 $268/位 +10%時間：21:00-23:00 $248/位 +10%自選時段(120分鐘) $268/位 +10%掃QR Code點餐，環保好多自助區自助區主要係飲品同甜品，雖然飲品櫃得一個，但係有好多放題未見過既款式，以韓國飲料為主，例如我最愛既米漿！仲有果汁類，都有茶飲。至於甜品有成三個大凍櫃，仲有一個放自家製甜品，去到文章最尾先講甜品。 刺身開波緊係食刺身先，話明係韓式放題，最特別就係有韓式生八爪魚刺身！叫一份就係一小隻，不過可惜我果隻上枱已經奄奄一息，唔郁，識食一定要加麻油食，好有咬口。仲有一款好特別既係醬油蝦，生蝦用甜醬油醃製過，好加上凍凍地既口感，好開胃，我好鐘意呢款醬油蝦。之後就係正路既日式放題會有既刺身款式，例如三文
環境
都算大，座位之間唔算太逼，仲有個位見到生八爪魚！
收費
時間：17:00-18:30 $228/位 +10%
時間：18:45-20:45 $268/位 +10%
時間：21:00-23:00 $248/位 +10%
自選時段(120分鐘) $268/位 +10%
掃QR Code點餐，環保好多
自助區
自助甜品櫃
22 views
0 likes
0 comments
自助甜品櫃
14 views
0 likes
0 comments
自助區主要係飲品同甜品，雖然飲品櫃得一個，但係有好多放題未見過既款式，以韓國飲料為主，例如我最愛既米漿！仲有果汁類，都有茶飲。至於甜品有成三個大凍櫃，仲有一個放自家製甜品，去到文章最尾先講甜品。
刺身
韓式生八爪魚刺身
28 views
0 likes
0 comments
醬油蝦
37 views
0 likes
0 comments
刺身、醬油蝦
32 views
0 likes
0 comments
開波緊係食刺身先，話明係韓式放題，最特別就係有韓式生八爪魚刺身！叫一份就係一小隻，不過可惜我果隻上枱已經奄奄一息，唔郁，識食一定要加麻油食，好有咬口。仲有一款好特別既係醬油蝦，生蝦用甜醬油醃製過，好加上凍凍地既口感，好開胃，我好鐘意呢款醬油蝦。之後就係正路既日式放題會有既刺身款式，例如三文魚、甜蝦、帶子、希靈魚、蠑螺片、北寄貝、赤貝等等，刺身都好新鮮，尤其三文魚紋路好靚，食落肥美，蟹柳棒都好清甜。
壽司
有壽司、軍艦、手卷、火灸壽司，試左櫻花三文魚壽司卷、火灸原條芝士海鰻壽司，前者唔錯，後者個顏色有少少奇怪，唔太似我地平時食既鰻魚。
炸物
食得韓式放題，當然要有炸雞，本身都怕唔好食，但又唔會啵，正正常常，肉質都算嫰。仲有炸天婦羅、炸吉列蠔、貓山王榴槤炸彈、明太子章魚燒、芝士年糕、鮮魷魚蝦棒等等。明太子章魚燒係半粒咁樣整，食落唔會好粉口，鮮魷魚蝦棒都幾得意，食到入面真係有蝦膠蝦粒，仲幾彈牙，炸天婦羅就冇試到。
串燒
芝士豆腐串
24 views
0 likes
0 comments
選擇都唔少，有試沙嗲雞肉串、羊架、燒生蠔，質素都係中規中矩，羊架比較特別係起埋骨上，都係第一次見，食落帶肥膏，都不錯，而燒生蠔既生蠔比較細隻，但蒜香味OK，同埋上枱熱辣辣。仲有芝士迷一家會食既芝士豆腐串～
一品料理／飯麵
韓式炒豚肉
25 views
0 likes
0 comments
豚肉辣炒年糕
13 views
0 likes
0 comments
韓式主題仲有人參雞湯、豚肉辣炒年糕、豚肉炒粉絲、韓式炒豚肉、水冷麵、辛辣麵、部隊鍋等等，不過因為都比較飽肚，試唔哂。人參雞湯真係有人參係入面，足料，而水冷麵細細碗但入面有齊豚肉、韓式蕎麥麵、水煮蛋，食落清涼。韓式炒豚肉份量好多，幾惹味。豚肉辣炒年糕就加左年糕，都幾鄗，都辣得過癮，年糕煙韌唔痴牙，不過又係大大份，十分飽肚。非韓式類仲有18禁地獄餃子，可惜係因為整好一段時間，佢個皮乾哂，但啲餡幾好食，夠哂辣！海膽茶碗蒸就差在個海膽唔新鮮，蛋幾滑。而香蒜一口牛柳粒雖然賣相麻麻，但食落都可以。
甜品
甜品
18 views
0 likes
0 comments
估唔到選擇咁多！而且真係有好多款韓式雪條，又有雪糕三文治，亦有馬來西亞品牌正條，仲要有Movenpick & Dreyer’s任食！多到有少少選擇困難症發作，最後試左30%芒果雪條、士多啤梨曲奇脆皮條，平時真係冇見放題有，回本！而自家製個甜品櫃，有四款味道既大福，試左Tiramisu同抹茶都好食。
總括而言，第一次食有埋韓國料理既放題，亦係第一間有韓式生八爪魚刺身，雖然選擇唔算十分之多，但我覺得都好夠食，亦有多款款式出面放題冇，回本位一定係韓式一品料理、甜品同埋飲品之上，平時食餐韓國野平平地每人都$200，所以呢到價錢都OK，多啲人嚟食仲有有1人免費添！
Post
