清潭韓國餐廳

Open Now

Now Closed

近排食韓國菜食多咗，自己本身中意食，今日行開海港城見到對面新開咗間韓國餐廳，有興趣試吓。餐廳設有室外座位，望出去街景好開揚，成個人即刻放鬆曬😊有多款正宗韓國料理，烤肉、火鍋、料理、湯飯。韓籍員工十分好客，先為我地呈上涼拌前菜，比較特別嘅有魚仔乾🐟青豆牛肉🐮蔬菜煎餅🥬用黎送飯一流。海鮮煎餅好大份，有魷魚、帶子，海鮮都幾新鮮，煎餅煎得香脆熱辣辣。石鍋拌飯系好傳統嘅韓國菜式，相信有吾少人中意食，有雞蛋🥚青菜、芽菜、紫菜、紅蘿蔔🥕加一種肉類，撈埋韓式甜辣醬頗美味。牛肉湯飯有牛𦟌同粉絲，呢個菜式味道較清，牛𦟌幾軟稔，厚薄度屬薄身，粉絲滑嘟嘟，有兩樣材料送飯吾錯呢。