微笑韓國料理 (Closed)

勁耐冇食韓國菜，講到食韓國菜緊系去尖沙咀食啦，但就吾系去好出名戈條韓國街食，今次去咗厚福街一間新開冇耐嘅韓國餐廳食野。呢間韓國餐廳有別於一般嘅韓國餐廳，入到去冇耐發現原來係一對韓國嘅情侶(夫妻?)主理。相比起一般嘅韓國餐廳，呢度嘅食物定價較高，菜式亦唔係出面一般韓國餐廳常見嘅，串燒種類竟然有唔少。另外有下酒菜、烤物、湯類、正餐，感覺應該幾正宗。侍應先為我地奉上前菜，有木魚豆腐、泡菜、醃蘿蔔，木魚豆腐好嫩滑，嫌淡嘅可以沾底下帶點甜味嘅豉油。🦑 魷魚串 $28🐟 鰻魚串 $48首先叫咗串燒，魷魚串同埋鰻魚串，魷魚都燒得幾香，口感煙煙韌韌。鰻魚串醬汁豐富，甜甜哋，幾似喺日本餐廳食嘅feel😂冇諗到韓國餐廳都會有。海鮮煎泡菜餅向來都系我喺韓國菜入面幾中意食嘅菜式，泡菜味道好濃郁，即酸酸甜甜，入面嘅海鮮有蝦肉同埋魷魚，就咁睇好似冇乜，食落份量其實幾多，同泡菜煎餅食更加美味。最後叫咗份蕎麥麵，清清哋好啱冇乜胃口嘅人食。