Video
Read full review
2021-05-17
1023 views
耐冇食過韓燒，所以就嚟到呢一間係尖沙咀帝國中心嘅韓珍。之前有朋友介紹過，仲要係由韓國人主理，相信質素都唔差☺️ 當日七點幾去，幾旺場，仲見到有唔少韓國人食。餐廳抽風系統幾好，唔會有好大陣油煙味，座位都幾寛落。前菜韓珍有好多前菜，有六小碟：魚糕、泡菜、辣醬魷魚、茄汁腸仔、雜菜、沙律，六小碟可以refill😍 同埋生菜(叫燒肉送一份)。我最鍾意食辣醬魷魚，佢唔會太辣，有濃郁蒜頭味😆，仲有啲芝麻調味，魷魚爽口，好好味，我仲refill咗碟。蜂窩五花腩 $150五花腩腩肉層次分明，可以見到有一層脂肪一層肉。餐廳特意割到蜂窩紋，燒起上嚟就更加靚同多脆邊😛。我會建議五花腩燒耐少少，等啲肥膏燒到脆香，入口仲帶啲溶化感覺。雖然五花腩無特別調味，不過本身嘅五花腩已經好香口夠肉味🤤，撈埋生菜一齊包住食，就冇咁肥膩。特級牛肋骨 $250牛肋骨好靚，油脂分布都好均勻。餐廳同樣割咗一條條嘅坑紋，令牛肉更容易咬。我覺得呢份牛肋骨份量都幾大份同厚身。店員好好人咁介紹咗我點樣燒牛肋骨，佢提議我原塊牛肋骨鋪喺爐頭上燒，可以保留返牛肋骨入邊啲肉汁。燒到大概五成熟，之後先再剪細。牛肋骨冇特別醃製，所以我就點啲麻油、鹽，突出
前菜
韓珍有好多前菜，有六小碟：魚糕、泡菜、辣醬魷魚、茄汁腸仔、雜菜、沙律，六小碟可以refill😍 同埋生菜(叫燒肉送一份)。我最鍾意食辣醬魷魚，佢唔會太辣，有濃郁蒜頭味😆，仲有啲芝麻調味，魷魚爽口，好好味，我仲refill咗碟。
辣醬魷魚
10 views
0 likes
0 comments
蜂窩五花腩 $150
五花腩腩肉層次分明，可以見到有一層脂肪一層肉。餐廳特意割到蜂窩紋，燒起上嚟就更加靚同多脆邊😛。我會建議五花腩燒耐少少，等啲肥膏燒到脆香，入口仲帶啲溶化感覺。雖然五花腩無特別調味，不過本身嘅五花腩已經好香口夠肉味🤤，撈埋生菜一齊包住食，就冇咁肥膩。
蜂窩五花腩
$150
30 views
0 likes
0 comments
特級牛肋骨 $250
牛肋骨好靚，油脂分布都好均勻。餐廳同樣割咗一條條嘅坑紋，令牛肉更容易咬。我覺得呢份牛肋骨份量都幾大份同厚身。店員好好人咁介紹咗我點樣燒牛肋骨，佢提議我原塊牛肋骨鋪喺爐頭上燒，可以保留返牛肋骨入邊啲肉汁。燒到大概五成熟，之後先再剪細。牛肋骨冇特別醃製，所以我就點啲麻油、鹽，突出多啲牛味。而且佢嘅油脂分布豐富，所以食落去唔會話好硬或者好韌。
特級牛肋骨
$250
33 views
0 likes
0 comments
蜂蜜梨汁生牛肉 $180
一般我都好少食生牛肉，不過見佢係一間韓國人打理又出名餐廳，都有信心保證，所以就決定叫佢。生牛肉條夠凍同好滑溜，蜂蜜味比較重，會甜甜哋。撈埋雪梨條一齊食，就可以做一個平衡。另外生牛肉嘅麻油都幾重，整體感覺幾好嘅。
蜂蜜梨汁生牛肉
$180
21 views
0 likes
0 comments
醬油蟹(配牛油飯) $250/1隻
好耐冇食過醬油蟹啦，呢一隻蟹都幾大隻，佢嘅蟹膏都流晒出嚟。醬油蟹嘅醬油味比較甜，食落去蟹膏都好香。另外會配左個牛油紫菜飯，可以撈埋醬油蟹嘅蟹膏一齊食。
醬油蟹(配牛油飯)
$250
22 views
0 likes
0 comments
蛋薄餅 $0
呢個蛋薄餅係餐廳免費送嘅菜，食落去鬆厚，有空氣感。另外，佢仲有啲甜椒係入邊做配料，撈埋燒肉食就無咁肥膩。
總體而言，食物質素都幾好同埋價錢上都幾合理。我最鍾意佢嘅前菜有辣醬魷魚，啲韓牛又有質素。所以，我都諗住遲啲再去。即使當日餐廳比較繁忙，店主都盡心盡力去介紹點燒問有咩好食，態度幾好嘅。
Post
