韓珍 (帝國中心) (Closed)

今日喺尖東收早，心情好搵間正野試下先😆路過見到呢間韓燒5點幾未開門已經有人等緊，當中重有韓國人😮即刻吸引到我地入去試🤩我地揀左$580豬牛二人套餐😋有五花肉、豬肩肉，重有兩塊牛肋骨，除左主食之外，個餐重包埋沙律、湯飯、柚子茶/雪糕👍🏻一般韓國餐廳有嘅泡菜同前菜呢度都有提供，仲會送一份韓式煎蛋餅添！除左套餐之外，我地兩隻大食積重叫左一份人蔘雞湯🤫所有野到齊之後，成張檯滿哂嘅感覺真係好正呀😂😂😂套餐嘅沙律我地揀左甜南瓜沙律，d南瓜打成蓉一個個波波咁，撈落d沙律菜度又幾好食喎👍🏻湯我地就揀左牛胸肉大醬湯，入面都幾足料，勁多塊牛肉，味道又唔會太濃太重味👍🏻而人蔘雞湯一飲落去就知煮嘅時間夠哂長，好入味，但d雞肉一d都唔韌，個湯重好甘甜好好飲，撈飯一流🤤🤤🤤呢度嘅服務好好，有正宗oppa幫你燒😍首先佢幫我地燒🐷佢一路燒我地一路打卡🤭燒好之後佢會剪開哂放埋一邊等你慢慢食，食完佢先再返黎幫你燒🐮D肉全部都燒得剛剛好，可以包生菜食，又可以夾泡菜/前菜食，唔覺唔覺一舊接一舊咁放哂入口🤭食飽飽之後嘆埋杯雪糕，解一解d燒肉味，另外一提呢度d抽風都幾好，唔洗怕食完韓燒之後成身燒肉味咁走🙊