新沙洞大排檔 (好順景大廈1座) (Closed)

韓國最地道嘅韓國包車係香港都可以食到感受到，餐廳好多唔同嘅燈光形成下望落好韓。而且有部大大部嘅電視播住KPOP，唔講會以為去左韓國旅行。招牌原粒蜂巢蜜米酒(2人) $98 原粒嘅蜂巢蜜，原粒咁樣咬一啖好甜好好食而且好香蜜糖味。酒樽身形好特別，好似d舊式嘅壺咁。米酒好濃香，飲落好香米味。粒蜂巢蜜融左少少後多左層香同甜味，飲落口都無咁單調。鐵板燒濟洲黑毛豬 $206 呢個鐵板黑毛豬望落吸引，黑毛豬油花分佈好靚。鐵板煎香晒兩面，焦香嘅感覺食落表面少少脆身，肉身味道幾香豬味，油份唔會太多，所以食落油膩感又唔會太過重。另外有個醬汁可以沾埋黎食，個味道都唔差。醬油蟹 $248香港好少韓國餐廳食到醬油蟹，亦都會好驚食到唔新鮮。呢間醬油蟹好大隻，望落都好新鮮，而且好多蟹膏！蟹肉唧出黎都多肉鮮甜，蟹膏好香濃，醬油滲左入d蟹肉到更加突出到個味道。另外叫左個白飯，撈晒落去個飯到好鬼好食。