Goobne Chicken (V Point)

Open Now

Now Closed

來自韓國過江龍品牌的烤雞果然有水準，不論烤雞處理和醬汁調味都咁出色。餐廳位於高層環境闊落，有落地玻璃可欣賞都市夜景，食住美味健康的烤雞真係幸福。價錢都好合理，間中食下都唔錯。火熱星期五烤雞 $218烤雞甜辣可口，辣度十足非常刺激，食完嘴唇會發熱的。雞肉大件沾滿醬汁，烤得有水準，雞肉烤至沒有多餘油份，咬落口感嫩滑，而且保留到肉汁，雞脾位超嫩，可惜一隻腳只有兩隻脾呢~ 雞件好多基本上兩人食碟雞都好夠，之後加點小食已經飽了。韓式雞蛋卷 $148雞蛋卷色彩奪目，賣相吸引，蛋卷厚切蛋皮有三層厚厚的，卷心為韓式餡料，由紫菜捲住青瓜、醃紅蘿蔔、青瓜、午餐肉、蟹柳、芝士等，咬落口感非常豐富。加上茄汁芥末醬千島醬，多種醬汁豐富了味道，點會唔好食。