高麗軒韓國料理 (Closed)

食韓燒我最鐘意放題，尖沙咀這間韓燒店位置方便，價錢又唔貴，食物種類算多，特別要讚嘅係點菜後上菜速度非常快👍🏻食牛控嘅我都好滿意依度嘅牛款式，有特級牛頸肉、薄切牛板腱、牛仔骨、牛肋骨肉，牛味濃郁，特別推介3A雪花牛(醃制) ，燒一燒已食得，醃制醬料味道調教得適中，是encore款式😋Prime雪花牛（鹽燒）油脂豐富，非常搶火，基本前後翻兩翻已熟，入口都溶。帆立貝都新鮮大大只。黑毛豬腩及五花腩包生菜食，再加泡菜及韓式醬，正呀！韓國面豉醬他他牛肉（生食），比想像中易入口，食唔慣生牛肉可加多些蛋汁，滑溜溜非常美味。還有海虎蝦，鯖魚等等美食，熟食也有很多選擇，蛋包蝦、燒銀雪魚、泡菜辣湯、韓式粉絲及抄五花腩肉等，應有盡有，飲品又任飲，性價比高的一間韓燒店，推介👍🏻