阿里郎熱狗棒 (Closed)

最近睇韓劇見到女主角同朋友喺街邊食熱狗, 之後就一直好想食, 咁啱今日去旺角見到間韓國地道小食店 ❥⧽Arirang Hot Dog ❥⧽, 即刻要買嚟食吓。𓊈熱狗 ✧ 薯條鴛鴦芝腸 ✧ 芝薯拉絲 ✧ 水牛芝士拉絲𓊉所有嘢食都係即叫即整, 所以熱辣辣好新鮮, 每條熱狗嘅芝士都做到拉絲效果, 芝士味濃郁但完全唔會覺得油膩, 有薯粒包住嘅熱狗口感層次更豐富, 食一條已經會飽。𓊈年糕香腸串𓊉年糕好煙靭, 上面擠咗秘製醬汁同沙律醬, 味道甜甜地, 估唔到配埋脆皮香腸一齊食個味道都幾夾。𓊈芝士球𓊉芝士球外面整得好酥脆呀, 外皮有少少年糕感覺, 而裡面d 芝士滿滿的, 芝士控真係唔可以錯過。𓊈特大烤牛肉餅𓊉大大力推薦這個牛肉餅! 牛肉餅以牛肉和豬肉製成, 外層烤成金黃色, 裡面嘅肉好軟腍, 充滿肉汁彈牙又 Juicy, 真係好好味呀!✧✧ 整體食物都好好食, 掛住韓國地道小食嘅朋友真係一定要去試吓。