Video
Read full review
2021-09-10
192 views
平時大家食韓國野，炸雞係咪必叫?但韓國烤雞大家又有無食過?今次試既就係呢間已經係香港開到周圍分店既韓國第一家烤雞品牌。我會試呢間係因為以前女朋友係日本做野，食過覺得好食。Goobne Chicken係一間韓式烤雞專門店，比起坊間既炸雞店，用烤焗既手法整成韓式烤雞，不經油炸不過依然外脆內嫩，同樣香口惹味，無咁有罪惡感，無咁肥膩又無咁熱氣，被譽為韓國第一烤雞品牌，係韓國有逾千間分店。Goobne算係係香港頭幾間係香港插旗既人氣韓國餐廳，係香港已經開咗幾年幾。由當初既尖沙咀分店，到呢家已經有差唔多10分店。登龍街向來都係美食天堂，拉麵、韓燒、cafe、台灣菜、泰國菜、車仔麵咩都有，銅鑼灣分店正正就係登龍街V Point既25樓。上到去見到環境非常闊落，空間感大，而且有唔少位置都係窗邊，呢度係全落地玻璃，一行近窗邊就發現絕美景色，視野廣闊，銅鑼灣街景、夜景盡收眼底，仲會望到馬場個邊，望到成條鵝頸橋由香港仔隧道至紅磡路段，遠處仲眺望到維港，盡收維港海景，原本銅鑼灣有個可以包攬夜景同維多利亞港美貌既餐廳，美食有美景相伴，隔外開胃。餐廳行工業風工業風黑白啡色為主，白色牆身 ，大理石色地磚，深啡色檯櫈
Goobne Chicken係一間韓式烤雞專門店，比起坊間既炸雞店，用烤焗既手法整成韓式烤雞，不經油炸不過依然外脆內嫩，同樣香口惹味，無咁有罪惡感，無咁肥膩又無咁熱氣，被譽為韓國第一烤雞品牌，係韓國有逾千間分店。Goobne算係係香港頭幾間係香港插旗既人氣韓國餐廳，係香港已經開咗幾年幾。由當初既尖沙咀分店，到呢家已經有差唔多10分店。登龍街向來都係美食天堂，拉麵、韓燒、cafe、台灣菜、泰國菜、車仔麵咩都有，銅鑼灣分店正正就係登龍街V Point既25樓。
上到去見到環境非常闊落，空間感大，而且有唔少位置都係窗邊，呢度係全落地玻璃，一行近窗邊就發現絕美景色，視野廣闊，銅鑼灣街景、夜景盡收眼底，仲會望到馬場個邊，望到成條鵝頸橋由香港仔隧道至紅磡路段，遠處仲眺望到維港，盡收維港海景，原本銅鑼灣有個可以包攬夜景同維多利亞港美貌既餐廳，美食有美景相伴，隔外開胃。
餐廳行工業風工業風黑白啡色為主，白色牆身 ，大理石色地磚，深啡色檯櫈，黑框落地玻璃，座位幾闊綽，走道寬敞，空間感十足，裝修完全唔似韓式餐廳。
平日夜晚七點有唔小人，但未到坐滿，仲可以自由揀位，我揀左最入景色最靚既位。
夜晚既餐牌有十幾頁，第一頁係新推出既蜜糖蒜香烤雞，第三、四頁係人氣既Goobne芝加哥薄餅同UFO芝士火鍋，之後係唔同口味既烤雞、沙律，小食好似雞蛋卷、炒粉絲、炒年糕、海鮮湯、雞湯、煎餅、炒飯，最後係飲品。
-
1️⃣⃣ 醃蘿蔔 💰0（👅: 8.5/10）
醃蘿蔔
7 views
1 likes
0 comments
-
1️⃣⃣ UFO芝士火鍋 💰268（👅: 8.5/10）
UFO芝士火鍋
$268
22 views
1 likes
0 comments
呢個芝士火鍋係用咗三重芝士，分別係水牛芝士、車打芝士、巴馬臣芝士嘅芝士粉，營造出超級澎湃濃稠嘅芝士拉絲，食芝士火鍋最驚就係芝士凍咗會自己凝固，不過依度會用一個爐keep住保溫，好似打邊爐咁，除咗令到芝士keep住溫度，仲令到啲雞保持熱辣辣，上枱嗰時職員會幫你撈匀啲芝士，職員撈匀時已經見到芝士可以拉到勁高，而且附近都可以聞到好濃烈嘅芝士味。
係芝士火鍋嘅側邊就擺滿左16件雞，烤雞嘅口味可以係六款入邊揀兩款，六款分別有果味醬油蒜香烤雞、三重芝士烤雞、甜辣烤雞、韓式BBQ醬烤雞、蜜糖香滑烤雞同火山烤雞，我就揀咗果味醬油蒜香烤雞同蜜糖香滑烤雞。
烤雞夠大件，一件要分兩三啖先食得晒，因為有爐keep住保溫所以入口係熱辣辣，外皮咬落微微香脆，雞皮夠薄所以完全唔覺得油膩，而雞肉入邊係好嫩滑，而且食落係肉汁飽滿，非常juicy，雖然係烤雞但係唔會乾身，係皮脆肉嫩，就算係雞胸位都係好滑，雞肉夠入味，就算未點芝士之前都已經好食，雖然係用烤焗方式，油脂比較少，但惹味程度唔會輸比炸雞。
果味醬油蒜香烤雞以蘋果檸檬汁調味，食落會有淡淡果醬味嘅甜味，當食到甜味嗰刻同時食到蒜香味，兩者嘅味道互相中和，味道比較清新，但又唔會太膩，食落係開胃。
蜜糖香滑烤雞食落蜜糖味其實唔算好重，唔會蓋過雞味，會食到蜜糖芥茉既味，甜甜酸酸，非常開胃。
烤雞加芝士味道好夾，甜甜地嘅雞皮加上鹹香味嘅芝士，口感豐富，相當惹味。
-
2️⃣ 韓式雞蛋卷 💰148（👅: 8 /10）
韓式雞蛋卷
$148
20 views
1 likes
0 comments
雞蛋卷分量非常之多，差唔多有10件，每件大細都非常大，咬落爽口，爽口係因為醃紅蘿蔔同酸瓜，同時食得出甜味，之後會食得出雞蛋嘅蛋香味，證明係新鮮嘅雞蛋，雞蛋皮濺到金黃色，咬落好滑好香嫩，好嫩嘅雞蛋包住爽口紮實嘅內餡，芝士仲有少少流心效果。
整體口感有好多層次，材料非常足料，再加上有少少辣嘅蛋黃醬，食落甜甜酸酸，令到味道更豐富更開胃。同埋因為唔係食飯卷，所以感覺比較健康啲，食完完全唔覺得漏。
-
🥤 鯊魚之淚 💰88（👅: 7.5/10）
鯊魚之淚
$88
6 views
1 likes
0 comments
呢杯係一杯果味嘅沙冰黎，飲落酒精唔算濃，係香桃同檸檬味，如果係以酒味沙冰來講係好易入口 ，佢個味道係甜到你唔覺飲緊酒精飲品，如果好鍾意飲甜嘅酒精或者沙冰就好啱你。
-
🍹 Somersby Apple Rita 💰88（👅: 7.5/10）
Somersby Apple Rita
$88
6 views
1 likes
0 comments
呢個都係其中一杯人氣飲品，其實係apple cider加沙冰，上枱時支apple cider會倒掉喺個杯度，當你飲到咁上下佢就會自動refill，份量我覺得比鯊魚之淚仲要大杯，食晒成餐飯都飲唔哂。
飲落味道清新，有氣泡嘅清爽口感，有果香味，酒精味唔濃，就算唔係幾飲到酒嘅人都好啱，好似飲香檳咁，而沙冰底係甜甜酸酸，非常爽口易入口，夏天飲解渴之餘仲好消暑，感受氣泡係舌頭上流連。
-
🌟今次第一次食韓國烤雞，味道上唔會輸比市面上大部分既炸雞，因為佢一樣有炸雞既脆口程度，不過烤雞比炸雞食起黎更加健康、無咁HEAVY。價格算中高，但勝在呢度嘅嘢食份量都幾大，如果多人黎好適合。今晚叫既兩個菜色我都好鍾意，芝士加炸雞係唔會出錯既組合，而呢度既雞口味非常多，如果芝士火鍋有6款，另外單點更加有成10幾款，而雞蛋卷食落輕盈又有食飯卷既感覺，下次會想試其他烤雞同PIZZA。
環境來講，銅鑼灣應該係咁多間分店最好，因為佢包攬咗銅鑼灣嘅鵝頸橋景色，以至銅鑼灣、跑馬地馬場嘅夜景，甚至可以望到尖沙咀同維港。餐廳環境闊落，無論係日頭定夜晚，呢個落地玻璃都係令人賞心悅目。
-
👅味道: 8.5/10
🍴環境: 8.5/10
💰消費: $592 (服務費: 10%)
Post
