梨泰院 (愉景新城) (Closed)

之前喺粉嶺分店同屋企人食過一次覺得唔錯，發現原來荃灣都開咗分店就諗住試試佢坐低會先比六小碟前菜一打開餐牌見到呢個芝士炸雞勁吸引，完全冇諗過食唔食得晒就叫咗，炸雞可以揀半份或者全份，仲可以揀有骨或者冇骨，我呢啲懶人當然揀無骨最特別最驚喜嘅地方係連個芝士都可以揀味道，平時食開原味，點知發現原來佢仲有玫瑰醬（+$20）同埋黑松露味，我揀咗平時出邊食唔到嘅玫瑰醬，嚟到個賣相有啲似南瓜色，雖然唔會話好濃嘅玫瑰味但食得多玫瑰味，最緊要係佢個芝士唔會話超級膩，但有拉絲架，啲芝士勁多好正好邪惡炸雞都有四款味道（原味，芝士，甜辣，蜜糖芥茉無論炸雞就咁食定係點醬都好出色，冇得頂人蔘雞湯 $98第一次去韓國人哋話人蔘雞係必食，為咗回想返韓國味道就諗住飲，佢真係有人蔘喺入面，而且啲雞都算滑，飲嘅時候記得攪勻泡菜煎餅 $68佢煎到好香脆，好夠辣，點埋個汁食就更加正韓國牛肉炒粉絲 $80我想講超級大兜，嚟到嘅時候都呆咗，但係佢除咗粉絲之外牛肉都好多，味道還可以我哋仲叫咗兩杯夏日特飲，個賣相超級靚，仲超級邪惡，兩杯都係藍藍的，我好中意呀（藍柑荔枝乳酪沙冰，白桃藍柑荔枝梳打），跟餐嘅話每杯就加$18，跟餐講唔算貴食到