韓珍園

Open Now

Now Closed

經過見到呢間韓國餐幾吸引，下午2點半至6點有下午茶餐供應，餐廳座位，食物賣相不錯，另有醬油蟹限量供應。 牛肋骨湯定食 $88附送前菜兩小碟，牛肋骨唔韌，有咬口，唔算好淋，湯底香濃，內有粉絲。第一次見韓國菜既白飯會有菇粒同豆角，仲要灑上芝麻同蔥花，感覺似港式蒸飯。 紫菜包飯(半)+小食 $48下午茶餐，飯卷有4舊，幾大舊，肉多飯少，可選牛肉、泡菜豬肉或蟹棒，附上秘製沙律醬，味道特別。小食揀左炸雞，有3小舊，外脆肉嫩，沾上甜辣醬汁好開胃。另附送泡菜一小碟。 魚糕辛辣麵+小食 $68下午茶餐，就係魚糕同辛辣麵，冇乜特別，另外仲有年糕。小食揀左小份芝士球，有2條芝士條，好脆，味道不錯。