韓閣 (富裕樓) (Closed)

前兩日同親去咗荃灣嘅韓閣，試咗佢哋嘅韓式炸雞料理，真心好正宗！！其實仲有一個理由就係餐廳位置好方便，由荃灣站行5分鐘就到，果日落咁大雨，吾洗點濕身就有好野食，很不錯～一坐低就有前菜，服務態度真係幾好韓閣嘅份量十足，同親因為好肚餓所以都試咗好多野，甜辣芝士年糕係親要點嘅，好OK，口感好煙韌彈牙，但唔會太辣，芝士味又好濃郁，真係好好味，仲有得玩拉絲豆腐海鮮湯岩晒果日嘅天氣，個湯濃郁而唔會太咸，辣辣地，飲完個人都冇咁濕五花腩炸醬麵，五花腩好多塊，肥瘦適中，一啖食落去大滿足炸雞我地點左傳統辣味同超人氣雪花三重芝士兩款，新鮮出爐，炸得好香脆，一口咬落，外脆內嫩，好好味！傳統辣味唔算好辣，好香口，好香蒜蓉嘅味，雞件非常大件，啖啖肉，真心推介雪花三重芝士勁香濃芝士味，三款唔同嘅芝士好有層次，啲芝士醬非常慷慨，食完仲剩返好多餐廳裝修有韓國嘅風格，配合韓式菜式，真係好有韓國風味，覺得有去咗韓國嘅親切感。而且食物份量好多，一定夠飽，仲有好多人幫襯，食物新鮮熱辣，真係好正，下次再encore!