Bat Boys (Closed)

韓國Oppa主理既韓式熱狗店😍每次K去到韓國都會買熱狗棒食，依家香港都有得買啦🤗係尖東街頭既呢間熱狗店由三位韓國oppa主理，除左一般傳統口味外，仲有泰式/印度辣味、經典美式、法式洋蔥、紐西蘭美乃滋、英式車打芝士同玩拉絲既意式馬蘇里拉芝士共八種口味，醬汁口味十分國際🤣🤣🤣K今次就揀左紐西蘭美乃滋($32)同埋英式車打芝士($32)，熱狗棒即點即炸，所以落左單都要等一陣～食落熱辣辣，外皮炸得十分香脆，中間再包住粗身脆皮腸，美乃滋酸酸地幾醒神；車打芝士醬味道亦濃郁！另外仲點左香腸年糕串($20)，佢有分原味、微辣同超級辣，今次K揀左原味甜甜地，厚身年糕煙煙韌韌配搭烤香腸口感更豐富！