뽀끼 正宗韓國小食 (Closed)

大年初三韓國同學一起到跟餐午餐，好多地方都無開，見到韓國餐廳又令我的同學思念地道食品，所以就一齊坐係隔離啲小枱仔食飯。炒年糕加粉絲卷炒年糕唔算太辣，不過味道夠香，口感煙韌。粉絲卷就估唔到可以咁大件！而且好香脆，幾香口仲有啲紫菜嘅香味架。泡菜炒飯呢個真係好好食，我平時都唔係特別鍾意泡菜，但係估唔到泡菜炒飯好入味，而且有少少辣味好吸引，甜酸辣都齊全，而且每一粒飯都夠熱，加上本身的調味非常吸引食慾。醬炸雞每一件雞都好大，裏面有啲瘦肉有啲肥肉，大大件好完整。除了香脆的外皮之外還有表面的一些甜酸醬，越食越開胃，加上雞的品質亦佳，每位大約＄50的價錢已經可以食到好飽。