韓家韓國料理 (Closed)

韓家韓國料理位於觀塘中海日升中心內，大廈內有唔少食肆，位置都算方便，觀塘地鐵站出行幾分鐘就到。我哋一行四人揀左三個晚市套餐，套餐包括迷你沙律、迷你飯卷（暫時未有供應，所以轉左一件甜辣炸雞），我地揀左韓式烤豬肉飯，韓式烤雞肉炒粉絲，辣炒魷魚飯，另外點咗蜜糖芥末味炸雞。另外每個套餐包左一杯飲品，不過當日水果茶同梳打都冇，有啲失望，所以我地叫咗一杯紅棗蜜，一杯生薑蜜，一杯柚子茶。飲品唔錯，落糖漿落得重手，怕太甜可以自己再加水沖淡d。紅棗蜜有驚喜，坊間比較少有，有紅棗果肉。