Kim's Bowl (遠東金融中心) (Closed)

喺金鐘返工，日日食大快活都食到好厭倦，最近先知原來 Kim’s Bowl 喺遠東金融中心開咗分店，主打韓式便當🍱外賣。呢度有傳統嘅韓式拌飯，韓式便當同埋紫菜包飯等等。呢度有自家製嘅茶飲同泡菜，可以直接買一樽返office慢慢嘆，好方便。韓式拌飯會附上一包辣醬用嚟撈飯，有唔同嘅蔬菜同埋蛋，感覺好健康。而辣醬辣度適中，唔會辣得好over，有少少酸辣咁，所以食得會好開胃。拌飯既配料份量都足夠撈曬成碗飯，牛肉幾香軟唔會過un。而照燒雞肉便當🍱有多款配料，包括韓式粉絲、蓮藕、泡菜，同雞肉。我自己幾欣賞佢嘅泡菜，雖然比較辣，但口感爽脆。雞肉嘅醬汁唔錯，香口惹味。