韓牛牧場 (Closed)

丫女終於考完試, 今晚為慰勞大家, 同埋其他同學仔媽咪去咗位於登龍街樓上舖---韓牛牧場, 120分鐘任飲任食燒肉放題。餐廳環境開揚, 裝修樸素, 設有自助區, 提供冷盤、沙律、三款熟食, 而飲品主要為罐裝汽水, 啤酒就要額外加錢。所有烤物Scan QR code落單, 而頭round刺身、海鮮、安格斯牛肉盛合由餐廳安排先上檯。呢間餐廳烤爐都選用韓式光波燒烤爐, 烤爐360°自動旋轉功能, 食物均勻受熱光波三重加熱, 鎖住肉汁, 唔洗落油又唔會痴底, 最緊要令食客食得健康。海鮮由冷墊底上檯, 為增加海鮮味, 帶子、青口加咗牛油調味, 扇貝就加咗蒜蓉。4款牛都沒被醃製調味, 務求令人食到原本味道。肉類方面有豬、牛、雞, 部分都有調味, 提升味道。其中牛舌有dd厚度, 烤後入口幾有嚼勁。首輪刺身併盤款式比較多, 嫌三文魚缺乏魚油香, 質素一般, 而且唔係款款刺身可以encore任食, 最討我歡心都係較爽嘅馬刀貝。串燒我地就試咗雞皮同埋雞腎, 雞腎好爽, 但呢個爐就烤唔到平時明火燒烤烤出香脆口感。海蝦雖然唔係肥美, 不過有得任食都好滿足。醬油蝦相對大隻少少, 肉質幾爽, 醬油味偏淡。金菇同埋