Video
Read full review
2015-12-20
847 views
今日響呢頭開工, 例必開工前食D野, 同同事行行下, 佢話不如食呢間, 因為間鋪個名吸引佢, 叫"Haru Haru", 哦...同BigBang首歌一樣, 唔怪啦.坐低左睇下有咩款式先, 韓式主要既炸雞, 年糕等都有, 連部隊鍋都有, 見隔離枱5-6個人食一鍋, 我得兩個人都係留番下次. 而且呢度免收加一, 確係唔錯.今次食得簡單D, 要左"紫菜卷"($32), 切左都有成12舊, 份量夠晒.飯一粒粒夠咬口, 配料有蛋絲, 火煺絲, 西芹絲, 紅蘿蔔絲, 黃瓜絲等, 食落好爽口夠清新, 如果覺得淡, 佢有個汁, 個汁咸咸地調下味, 味道不俗."無骨炸雞-原味"半隻($79), 懶人一族所以要無骨, 食落啖啖肉. 外皮炸到夠香脆, 但唔覺油膩, 亦唔覺皮下有層油, 雞肉夠嫩滑, 仲有個醬酸酸甜甜, 非常開胃. 份量亦好多."韓醬炒年糕"($68), 食落唔算勁辣, 剛剛好啱晒唔食得太辣既人, 年糕軟硬適中, 煙煙韌韌, 似響韓國食果D, 仲有韓式魚蛋, 泡菜, 蛋就配料. 每樣材料都沾滿左醬汁, 辣辣地有帶點韓醬味.飲品試左"韓牌菠蘿汁"($15), 睇左成個罐都係韓文字, 應該都係直
坐低左睇下有咩款式先, 韓式主要既炸雞, 年糕等都有, 連部隊鍋都有, 見隔離枱5-6個人食一鍋, 我得兩個人都係留番下次. 而且呢度免收加一, 確係唔錯.
今次食得簡單D, 要左"紫菜卷"($32), 切左都有成12舊, 份量夠晒.
飯一粒粒夠咬口, 配料有蛋絲, 火煺絲, 西芹絲, 紅蘿蔔絲, 黃瓜絲等, 食落好爽口夠清新, 如果覺得淡, 佢有個汁, 個汁咸咸地調下味, 味道不俗.
"無骨炸雞-原味"半隻($79), 懶人一族所以要無骨, 食落啖啖肉. 外皮炸到夠香脆, 但唔覺油膩, 亦唔覺皮下有層油, 雞肉夠嫩滑, 仲有個醬酸酸甜甜, 非常開胃. 份量亦好多.
"韓醬炒年糕"($68), 食落唔算勁辣, 剛剛好啱晒唔食得太辣既人, 年糕軟硬適中, 煙煙韌韌, 似響韓國食果D, 仲有韓式魚蛋, 泡菜, 蛋就配料. 每樣材料都沾滿左醬汁, 辣辣地有帶點韓醬味.
飲品試左"韓牌菠蘿汁"($15), 睇左成個罐都係韓文字, 應該都係直接韓國引入, 一咬入口夠清甜, 有菠蘿味, 有少少梳打味, 食左辣清一清唔錯.
埋單都係200蚊左右, 兩個人食非常抵, 又好味又飽肚.
Post
